ഒരുക്കങ്ങൾ പൂർത്തിയാകുമ്പോൾ

ഹൃദയം തളർന്നു തുടങ്ങി.

ഇനി ഈ കിതപ്പ്

ചുളിവ് വീണ മേഘങ്ങളിൽ

പ്രതിധ്വനിച്ച് കേട്ടേക്കാം ...

കണ്ണടയാൻ തുടങ്ങുന്നു.

ഈ കണ്ണുനീർ,

നിങ്ങളുടെ മാളികപ്പുരപ്പുറത്ത്

വീശുവലയെറിഞ്ഞേക്കാം.,

ശ്വാസം ഉരുൾപ്പൊട്ടുന്നു.

മഴക്ക് ചുറ്റുമുള്ള കാറ്റിലെന്റ

അത്തറിന്റെ ഗന്ധം ചിതറിയേക്കാം,

പാവകളി തീരുകയാണ്.

ജീവിച്ചിരിക്കേണ്ടതിനുള്ള കാരണം ചോദിക്കാൻ

മരണത്തെ മാത്രമേ മുമ്പിൽ കണ്ടുക്കിട്ടിയുള്ളൂ ..

മുടിയിഴകളിൽ ഒരു തലോടൽ,

നീലിച്ച നെറുകയിൽ ഒരു ചുംബനം.

അത്രമാത്രം...